- GO+
- Posts
- Кино марафон хийх үү? “Christian Bale”
Black Midi
Өнгөрсөн 7 хоног Английн Лондон хотоос гаралтай алдарт Black Midi гэх пост панк, рок, жазз, метал, хип хоп зэрэг олон хөгжмийн урсгалыг холин өөрсдийн гэсэн хэв маягаар тоглодог энэхүү хамтлаг Улаанбаатар зочид буудлын танхимд гал гаргасан билээ.
Та бүхэнд энэхүү хамтлагийг танилцуулан дараах перформансийг хүргэж байна.
Тус хамтлаг нь 3 гишүүнтэйгээр 2017 онд байгуулагдсан ба нийт гурван цомог гаргаад буй аж.
Хөгжмийн салбарынхан 3 дахь “Hellfire” цомгийг хамгийн сайнаар нь нэрлэсэн байна.
Ингээд энэ долоо хоногийн захиагаа үргэлжлүүлье.
Замд ядарч тамирдсан Бет Лос Анжелес хотын давчуу байранд гурван хүүхдээ ганцаараа өсгөх эгч Элли дээрээ удаан хугацааны дараа зочилно. Эллигийн орон сууцны доор хадгалагдаж байсан нэгэн нууцлаг номыг олсноор тэдний уулзалт орвонгоороо эргэнэ. Хар дарсан зүүдэнд ч оромгүй аймшигт махан бие эзэмдэгч чөтгөрүүдээс өөрийгөө болон дүү нараа аврахын тулд Бет тэмцэх хэрэгтэй болно.
Энэ долоо хоногт нэмэгдсэн дараагийн аймшгийн кино бол A Trap юм. Үйл явдал нь нэгэн залуу хос ойд зугаалахаар ирж байгаагаар эхэлнэ. Гэвч зугаалгынх нь үеэр хосууд дээр нэгэн үл таних зочин ирснээр тэдний аюул дагуулсан адал явдал эхэлнэ. Харин хэрхэн төгсөх бол?
Лукас өөрийгөө энгийн л нэг багтраатай хүүхэд гэж боддог байлаа. Гэвч нэгэн удаа тэрээр өөрийгөө мангас гэдгийг олж мэджээ. Ийнхүү өөрийнхөө талаар илүү ихийг олж мэдэхийн тулд Мангасуудын арал руу явахаар шийднэ.
Хүүхэд бүр өөртэй нь яг адилхан харагдах боловч онц сурдаг, ажилсаг яг л төгс хувилбартай болохыг хүсдэггүй гэж үү? Эмиль, Фридо хоёр яг л тийм төгс хувилбаруудыг бүтээж мөрөөдлөө биелүүлнэ. Гэвч хэрэг явдал буруугаар эргэснээр тэдний хөгжилтэй адал явдал эхэлнэ.
Усны улс болох Пасифиад 8 лусын дагина алтан сувдыг хамгаалахаар сонгогдох болно. Малибу болон Брүклин барби нар лусын дагина болон хувирснаар усны улсыг аврах адал явдал цаашид хэрхэн өрнөх бол?
Кино марафон “Christian Bale”
Өдгөө 49 настай тэрээр 13 настайгаасаа эхлэн жүжигчний гараагаа эхлүүлсэн байна. 2014 онд Forbes сэтгүүл түүнийг 2014 оны хамгийн өндөр орлоготой жүжигчдийн нэгээр нэрлэжээ.
Түүний тоглосон кинонуудын оргил нь яах аргагүй The Dark Knight Trilogy юм. Batman гэхэд хүн бүр түүний дүрээр санадаг гэхэд хилсдэхгүй.
Тэр багадаа балетаар хичээллэдэг байсан ба 7 настайгаасаа хойш цагаан хоолтон байж ээ.
Ингээд түүний кинонуудаар марафон хийцгээх үү?
Киногоо тухлан үзээд амралтын өдрүүдээ гоё өнгөрөөгөөрэй 🙃
