Оскарын шагнал гардан авсан анхны ази эмэгтэй жүжигчин Мишель Ёо боллоо 🥰

Good afternoon beautiful people! (●'◡'●)

Домогт жүжигчин Одри Хепбёрн нэгэнтээ "Би өөрийн мэддэг бүхий л зүйлсээ киноноос сурсан" гэж хэлж байж ээ. Кино урлаг бидэнд ганцхан амьдралаар амьдрах биш, орон зай, цаг хугацаа хязгаарлагдахгүй өнгөрсөн он жилүүдээс өнө ирээдүйд, өчүүхэн бяцхан ертөнцөөс алсын одод дамнан хэдэнтээ амьдрах боломжийг өгдөг билээ. Ингээд энэ удаагийн кино захидалдаа тавтай морилно уу! To infinity and beyond!

ZURA II: ЦУРАМ АЖИЛЛАГАА

Монгол улсад их хэмжээний бохир мөнгө эргэлдэж байгаа тухай хэрэг дээр манай хууль хүчний байгууллагууд ажиллаж эхэлнэ. Улмаар энэ мөнгийг хэрхэн хөдөлгөх талаар бүх мэдээлэлтэй байсан Санхүүч ТЕГ-т баригдана. ТЕГ-ын сөрөх тагнуулын хэлтсийн дарга Эрхэс Санхүүчтэй тохирон уг мэдээллийг авах гэж байхад Санхүүч учир битүүлгээр амиа алдана. Энэ бүх хэргийн учрыг олохоор Эрхэс болон түүний баг ажиллаж эхэлнэ.

БУРХАНЫ АВРАЛААР ЧИ ИРЛЭЭ: ШИНЭ СУРПРИЗТЭЙ 4-Р АНГИ!

Олны танил 3 оролцогч нэвтрүүлгийн багийн бэлдсэн хувцсыг өмсөж, ямар ч бэлтгэлгүйгээр тусгайлан зассан тайзан дээр гарч тухайн үзүүлбэрийн нэгэн эд эс болж хөгжилтэйгөөр жүжиглэх ёстой. Нийт 2 хэсгээс бүрдэх нэвтрүүлгийн эхний хэсэгт оролцогч тус бүрд бэлдсэн жүжигт ээлжлэн оролцох бол хоёрдугаар хэсэгт хамтдаа нэг жүжгийн хэсэг болох юм. Нэвтрүүлгийн төгсгөлд шүүгч хамгийн хөгжилтэй, ур чадварлагаар уусан нэгдэж, жүжиглэсэн оролцогчийг тодруулан цом гардуулна.

GIRLS SEASON III: 1, 2-р ангийг хүлээн авч үзээрэй 🤭

Дөргэнэ шинэ сургуульд шилжиж ирээд сургуулийн атаман Мичидмаагийн сайн хөвгүүн Болдоогийн хараанд өртсөнөөр Мичидмаа Дөргэнэ хоёрын дунд дайн дэгдэнэ. Энэ дайнд сургуулийн хүүхдүүд өртөх бөгөөд дайнд хэн ялалт байгуулахыг романтик, адал явдалт, инээдмийн Girls киноны 3-р улирлаас хүлээн авч үзээрэй.

ЦЭРГИЙН БАЯРААР ЗААВАЛ ҮЗЭХ КИНОНУУД

Заримдаа кино үзэхээр бүр нэг самсаа шархирч, огшмоор мэдрэмж төрдөг дөө. Яг л тийм мэдрэмж төрүүлэх эр зоригийн түүхүүдийг танд зориулан бэлдлээ. Цэргийн баяр ч удахгүй болох гэж байгаа юм чинь дайн тулаан, эх орон, эрх чөлөөний тухай өгүүлэх гоё кинонууд яагаад үзэж болохгүй гэж 😉.

1917: Дэлхийн 1-р дайн. Хоёр байлдагч биелэгдэшгүй даалгавар хүлээн авна. Богино хугацаанд дайсны нутгийн гүнд нэвтэрч 1600 хүнтэй хороог гарцаагүй үхэх дайралтаа зогсоох тушаал хүргэх. Тэр 1600 хүн дунд нэг байлдагчийнх нь ах нь байгаа.

37-Р ТОЧКА: Хүний амьдралын хамгийн чухал зүйл юу вэ? Гэр бүл, найз нөхөд, ахан дүүс, чухамдаа энэ хорвоод учирсан бүхнийхээ төлөө, хамгийн үнэт зүйлийнхээ төлөө хүн юуг золиосолж чадах вэ? Хүн хаанаас эхэлж хаана төгсөх нь нэг л зангилаанд оршдог гэж үү? Үгээр илэрхийлж чадашгүй тэр зүйлийн хариултыг та энэ киноноос үзээрэй. 37-р Точка.

Мардай: ЗХУ-ын мэдэлд байх Эрдэс хот Мардайн уурхайд монгол улсын ялын дээд хэмжээ авсан хоригдлуудыг ажиллуулдаг байлаа. Дараагийн ээлжийн хоригдлуудыг зөөвөрлөх үед санаандгүй нэг хоригдол амь насаа алдсанаар заавал бүрэн гүйцэт хүлээлгэж өгөхгүй бол 2 улсын хоорондын асуудал болж хувирах болов. Тэр үед уурхайд гэнэт бослого гарч бөөн үймээн болов. Тэд энэ асуудлыг яаж шийдэх бол?

LET'S EAT: ГОЁ ХООЛ ИДЭНГЭЭ ГОЁ КИНО ҮЗЭХ ҮҮ?

Let's Eat: И Сү-кён бол оффисын ажил хийдэг ганц бие эмэгтэй. Харин Ку Тэ-ён бол даатгалын ажилтан. Тэд хөршүүд хэдий ч үргэлж л бие биетэйгээ муудалцдаг байлаа. Гэвч тэднийг ганц л зүйл нэгтгэж байсан нь “ХООЛ” байв. Амттай хоол болон хоолны урлагийг сонирхогчид тухлан сууж үзээрэй.

95 ДАХЬ УДААГИЙН ОСКАРЫН ШАГНАЛ ГАРДУУЛАХ ЁСЛОЛ:

Энэ удаагийн Оскарын шагнал гардуулах ёслол гайхалтай ялалтуудаар дүүрэн байлаа шүү. Шилдэг эмэгтэй жүжигчин номинацид ялалт байгуулсан Мишель Ёо маань Оскарын шагнал гардан авсан анхны ази эмэгтэй жүжигчин боллоо.

Түүний дүр бүтээсэн "Everything Everywhere All At Once" кино Шилдэг кино шагналыг хүртээд зогсохгүй, энэ жилийн Оскараас нийт 7 шагналыг авсан юм.

Амралтын өдрүүдээ сайхан өнгөрүүлээрэй (๑˃ᴗ˂)