• GO+
  • Posts
  • Stranger Things цувралын сүүлийн бүлэг 2024 онд гарна 😢

Stranger Things цувралын сүүлийн бүлэг 2024 онд гарна 😢

March 10, 2023

HAPPY FRIDAY!

Эрхэм хүндэт киночид минь Мартын 8-ыг яаж өнгөрүүлэв дээ? Энэ удаагийн захидлаараа олон төрлийн кинотой, бүр амьд хөгжмийн тоглолттой буцаж ирлээ. Тавтай соёрхож, таалан уншаарай. 💖

Сэтгэлийн утас хөндсөн олон сайхан бүтээлүүдээрээ бидэнд танигдсан Шөнийн галт тэрэг хамтлагийн LIVE CONCERT нэртэй тоглолтыг танд санал болгож байна. Зөөлөн, зөөлөн буух цэнхэр манан... гээд л нүдээ анин дуулахыг догдлон догдлон сонсоорой.

Авъяас гэж юу байдгийг яруу тодоор харуулсан үзүүлбэрүүдтэй шинэхэн дугаараа хүлээн авч үзээрэй. 3 дахь дугаарт жүжигчин Ө.Мөнх-Эрдэнэ, продюсер Б.Наранзун, жүжигчин Жерри нар оролцжээ. Та хэнийг нь дэмжих вэ?

Сэтгэлээр унасан үедээ үзэж сэргэх кинонуудыг та бүхэнд санал болгож байна. Заримдаа бүх юм хэцүү санагдаж, хэрхэн даван гарахаа мэдэхгүй бол дараах урам зориг өгөх кинонуудыг үзэж өөрийгөө цэнэглээрэй.

  1. King Richard- Алсын хараа, 78 хуудас төлөвлөгөөгөөр зэвсэглэсэн Ричард Уильямс өөрийн охид болох Венус, Серена нарыг түүхэнд нэрийг нь үлдээхээр зориг шулууджээ. Калифорнийн Комптон дахь хуучирч муудсан теннисний талбай дээр бэлтгэл хийж, аавынхаа тууштай зан, ээжийнхээ зөн совингоор төлөвшиж, тэдний өмнө тулгарсан, даван туулах боломжгүй мэт санагдах бүхий л бэрхшээл, хүлээлтийг охид даван туулах болно.

  2. The Secret Life of Walter Mitty- Сэтгүүлийн газар хальсны газрын эрхлэгч хийдэг ганц бие Волтер Митти. Түүний төсөөллийн ертөнцөд тэрээр маш хүчирхэг супер баатар, гэвч тэр амьдрал дээр тэс өөр. Гэнэт тэдний ажилд өөрчлөлт гарснаар өөрийнх нь болон хамт олных нь ажлын байр асуудалд ороход Валтер урьд өмнө нь хэзээ ч төсөөлөөгүй тийм аялалд гарах шаардлагатай болдог.

  3. Unbroken: Path to Redemption- Дайнд онгоц нь осолдож, Номхон далайд аврах завин дээр 47 хоногийг өнгөрүүлж, япончуудын олзонд тарчилж олон зүйл туулсны дараа Луи гэртээ эсэн мэнд харих болно. Олимпийн гүйлтийн тамирчин байсан тэрээр дахиж гүйх хүсэл төрөвч, дайны хар бараан дурсамжууд шаналгасан хэвээр. Бодит амьдралаас сэдэвлэсэн энэхүү кино танд хайр сэтгэл, итгэл үнэмшил хүнийг хэрхэн өөрчилж чадахыг харуулна.

ALICE, THE FINAL WEAPON: Гё-Вол Парк Се-Ван ахлах сургуулийн сурагч охины ард алуурчин нуугдаж байна. Тэрээр шинэ сургуульд шилжиж ирээд Йео-Рем (Сонг Ген-Хи) гэх хүүтэй нөхөрлөнө. Сурагч хүү ч гэсэн өөрийн гэсэн онцлог нууцтай. Гё Вол энгийн амьдралаар амьдрахад мэргэжлийн зэвсэг болж бэлтгэгдсэн өнгөрсөн нь түүнийг ангуучилж эхэлнэ.

STRANGER THINGS ЦУВРАЛЫН СҮҮЛИЙН БҮЛЭГ 2024 ОНД ГАРНА

Анх 2016 онд гарч байсан Stranger Things цувралын тавдугаар улирал энэ 6-р сард зураг авалтаа эхэлнэ гэж жүжигчин Дэвид Харбор мэдэгдлээ. Цувралын сүүлийн улирлаа бид 2024 онд хүлээж авч үзэх магадлалтай байна. Үзэгчдийн хайрыг хүлээсэн цуврал маань ингээд л дуусаж байгаа нь жаахан гунигтай. 😏 6 дугаар бүлэг дээр ямар үйл явдал гарах бол?

Амралтын өдрүүдээ сайхан өнгөрүүлээрэй (๑˃ᴗ˂)